Les mots surlignés font l'objet d'une note
1Monsieur, par la votre du XXIe de ce moys, jay antandu
2votre rettrette à Laval, anssamble les nouvelles quadvés de
3la court, desquelles je suys très hayses tant de
4messieurs les playntifz que de lantretenement de
5la compagnie de monsieur de Lisle. Le temps nous
6aprandra la verité du tout. Quant au mariage de
7madame, jay oppinion quil se fera pour toujours mieulx
8asseuré et tenir la paix, veu laffection que le roy a
9à leffectuer et antretenir, Dieu le veulhe. Je ne sache
10chose digne de ce costé de vous estre escripte, fors que
11la comette quon vit à Grenoble fut veue par tout
12ce pays en mesme heure menant ung espouventable
13bruyt, de fasson que plusieurs le prenent pour ungne
14maulvayse augure. Au demeurent, monsieur, puys
15quil ne vous playt de prandre la peyne de venir
16yssy, nous vous atandrons à Prunières, vous suplyant
17très humblement que je soye adverty quelques jours
18avant votre venue, à celle fin que je puysse advoyr les
19couvers. Et atandent ceste honeur de vous voyr, je supplierey
20Notre Seigneur vous donner
21Monsieur, en parfaicte prosperité, très heureuse et
22Très bonne vie et longue. De Rousset, ce XXIXe daoust 1571
23Votre très humble serviteur
24Rousset